- hillehoek
- 12. Juli
Aktualisiert: 2. Aug.
Kippkappkögel,
ick bün Mamas Vögel.
Ick bün mas grode Maid,
dä mit Kippkappkögel utgeiht.
Mit dä Kippkappkögel
kom wi nu an.
Elk singt so moje
as hä man kann.
Sünnermartens Aobend
dat is än Tied,
dor wor Ji'n häl bült
Appels quiet
- hillehoek
- 12. Juli
Aktualisiert: 6. Aug.
Wo mennig Jaohr is dat all heer -
mi dücht, as wenn dat güstern weer.
Ik denk so faoken noch doran,
un watmaol kummt mi dat noch an.
Mien Moeder het uns dat woll seggt.
lWat het sä dorbi överleggt?
Sinnig see sä, gor nich Iuut:
"Schick Di d'rin - of scheer Di d'rut!"
Solang man Kind un noch so lütt
wät man haost nich, wat dat bedütt.
Man hört dat woll, un geiht sien Padd,
beleewt ja immer annerswat.
Dat Leben is so bannig stuur,
de "Knecht" sit stüttig up de Luur.
Hä seit de Undögd un sorn Kruut:
"schick Di d'rin - of scheer Di d'rut!"
"Scheer Di d'rut - of schick Di d'rin!"
Mi dücht, so het all'n anner Sinn.
Dat Utscheern kann ik nich verstaohn.
Is dat, wenn än van Huus will gaohn?
Wenn hum de daogelk Wams nich paaßt,
of hum de Haor toe Bargen waaßt?
Mien Raot: Dien Leben het'n Sinn!
Scheer Di nich rutl Nee! Schick Di d'rinl
- hillehoek
- 12. Juli
Aktualisiert: 6. Aug.
Wall dat nu maol weer Wiehnacht word,
heb ick all düchtig dorup sport.
Ick kann mi recht up diss Tiet frey'n
un sit all düchtig weer an't Breyen.
Ick maok uns Hosen, Bostrock, Päej,
'n KIäed nich mehr - de is nöch näej.
Man Unnerbüxens brey ick ok
van witte Schaopwull, nich jüst rot.
För elk fuuk ick so wal toesamen,
för all, de Wliehnacht bi uns komen,
för Vaoder, Kinner, EnkeIsöhn
un för uns Naober dor up Böhn.
Dann maok ick Koeken - o, wat lecker,
däe sünd noch beter as van d' Bäcker -
däe back ick noch up open Füür,
wenn blot man nich dat Holt so düür!
Wat kiek Ji mi van d' Siet so an -
ick bün ja gor kien Wiehnachtsmann!
Man ick heb ok an .Joe hier docht
un 'n Spierke Freide mit mi brocht.
So 'n bietje lvat van 0lts noch her,
as dat 'n moje Tied noch weer.
So, mien Lü, nu schickt man bi,
un ick vertell Joe wat dorbi!