Tina paaßt up't Hus up...

Wi fuhrn wie ja elker Jaohr mit uns Kinner in Urlaub nao Kärnten, un Tina was in Hus un paaßte up uns Dären up, schleep denn ook bi uns. Dat liggt nu ja all bold 50 Jaohr toerügg, wi wassen in än Holthus unnerbrocht, up dat Land van än Burenhoff, Paradies för dä Kinner. Man wenn wi telefonären mussen, fuhr wi int Dörp, so twä Kilometers. Händis gaff dat do ja noch nich. Up dä Burenhoff gaff dat än Telephon, man wi wullen uns Fründen dor nich mit begroten, dat was in dä Tiet noch läp duer. Man Tina reep dor änes Daogs doch an, vertellde , dat wat Lääps gebört was. Dä Burinske keem denn häl bestött an, wassen woll so 200 Meter bitt nao uns Huuske. Wi int Auto, int Dörp naot Post! Tina in Hus anröpen, mit Trillen,wat dor woll gebört was. Un wat Gott derum dee...dat gung um änHenn, dä doot in dat Huck legen haar. Wi hemm än däpe Sücht haolt, datt dat nich Läpers weer. Tina muß dat noch faoken hören, datt sä uns so in Upregung brocht har. Sä kunn sück bedaoren, un wi ook. Geboert ja ook nich voel in Urlaub upp än Burenhoff...