Aufbau der eigenen Familie zu Beginn der 60er Jahre (hochdeutsch)

Wie waren die Jahre für Elma zur Zeit der Gründung der eigenen Familie? Wir erzählen vom Alltag: Den Lebensumständen, den Familienzusammenhängen, dem Berufsleben, dem Bau des Eigenheims, den ehrenamtlichen Tätigkeiten und der Betreuung der Kinder...

1962 Geburtstagsfeier von Helge im Eigenheim mit Omas, Großtanten und Tante Im Hintergrund die typische "Durchreiche" dieser Zeit, auf dem Tisch das Rosenthal-Geschirr, welches ausschließlich den Festtagen vorbehalten war.

https://www.youtube.com/watch?v=cySS9bKoJAQ

Polonaise auf einem der vielen Feste des Gesangvereins Feierabend in Rhauderfehn

Eigenheim Friesenstraße 54c (später Immanuel-Kant-Weg 12) in Rhaudermoor (Bauphase 1959-61)

"Adeine"

Un denn gaff dat ja noch mien lötje Dochter, un dortoe kann man seggen, sä wull nix, un wenn, denn eerst, wenn sä wull.

Sä is van teinte Dag an in uns Köken upwursen, ook schlaopen hett sä dor. Sä was dat Tegendäl van hör Broer, dä mi Dag un Nacht in Drafft hollen har. Ick hebb hör nich änmaol nachts hört. Daogsöver lag sä in Köken in hoer Koerfwaogen, kunn alles mitkriegen, dörkieken doer dat Geflecht. Eerst mit acht Maont wull sä upsitten, solang laggg sä un keek. Man ick hebb dat noch up Kassette upnomen, sä kunn mit acht Maont än lötje Melodie singen, nana nana naana, as „backe backe Kuchen“. Sä wull denn bloot sitten, nich upstaohn, nich proten, mit annerthalf jaohr wull sä eerst loopen, proten mit twäunhalf, man do gliek richtig. Hör Broer leep mit 12 Maont, quedelte do ook all bietje.

Dornao was dat smalls nich so licht mit dat lötje Menske….Wull wi biet Padd, sä muß hör Packje antrecken, denn dürs ick hör dor nich bi helpen, sä wull dat „adeine“ see sä. Har ick bloot än Zipfel mit anfaoht, truck sä sück weer ut un dä Spitaokel gung van näj los. Dat hett smalls Tiet kost!

Sä gung ook nich up elk un än man so los. „ den mag ich nicht leiden, der hat soone Nase“ see sä denn, off „der hiecht so komisch“ was ook än van hör Inwendsels.

Laot uns twisten

Kennt dat noch än off anner, än „Twist“?  Dat was än Danz, so um 1960, off wat eerder.

Mien lötje Söhn, woll so um 10 Maont ollt, stunn noch in sien grode Kist, Bott har wie in uns Koeken, un so kunn hä mi nich vört Foeten krupen.

Proten kunn hä nich voel, man verstaohn mennig Woorden. Wenn nu än tegen um seggen dee:

„ Keerli, kannst ook noch twisten?“  Denn schmeet hä sien lötje Windelpopo hen un her un „danzde“ , datt dat än Oart har, kreide vör Bliedskup.

Vaoder (Friedrich Hoek 1934-2015) un Söhn HelgeHoek. Bie dat erste Kind wuur immer läp völ Uphebens maokt: Links sücht man noch än Zedel, wor aal dä Worden upschreven wassen, dä dat Kind naoh än Jaohr verstaohn kunn.

Än Jaohr laoter, as hä all proten kunn un ick mit hum an Straot langsleep, kunn hä Autos an Motor kennen. „Alter DKW“ see hä denn, off „neuer DKW“, off „Opel“ off annern, so voel gaff dat ja nich.

Ick wüß dor ja nix van, man hä was blied, dä all toe kennen.