Schlauch in Verlüß...

"Oma, vertellst du mi wat van froer?" " O Kind, kannst du di nich wat vermaoken?" "Ne , Oma, du kannst dat so moj, duert ja nich lang"...Än Vertellsel, denn moest du utscheiden toe drammen!" "Dat is än por Joahr her, do was bi än Familie än lötje Jung upstaohn, un dä Mama har kien Melk för dä loetje Fent. Än Buddel muß derher. Dat wassen do bietje roar Dinger, dä haren än Schlauch dor in, denn sull dat Kind beter drinken könen. Man änes Daogs was dat Ding biet Schonmaoken in Verlüß gaon, nüms har hum sähn. Dä lötje Broer kwam dor övertoe, melde sück as in Schoel un kreide "Die Schlauch ist in die Morse des Katzes. " Hä was so stolt, dat hä all dütsch proten kunn. Wenn int Familie nu wat verloren gaohn was, häde dat alltied :" Die .....ist in die Morse des Katzes". 

Anscheten, Herr Pastor

"Oma, vertellst du mi än Döntje?" "Laot mi eevkes naodenken...jao, dit is än moj Vertellsel. Än lötje Naobersjung har Religionsunnerricht in Schoel, un off un an kwem dä Pastor un wull wäten, off sä ok goed toehoert haren, wenn Mester hör wat vertellen de. Dä loetje Wiesnoes frog dä Pastor:" "Herr Pastor, uns Mester hett seggt, dat Gott allens sücht, wenn wi lelk bünt, sücht hä uns denn ook, wenn wi in uns Keller bünt?" "Jao, lötje Fent, dor sücht hä joe ook." Do kreide dä Loetje :" Anscheten, Herr Pastor, wi hebben gorkien Keller"

Lötje Ohren

"Lötje Potten hebben ook Ohren", see Oma, wenn sä mit Mama proten wull un ick sull dat nich hören...