- hillehoek
- 30. Mai
"Oma, sall ick Di wat vertellen?" "Jao, Kind, man toe!" "Oma, Anni puhlt in Nös un steckt dä Pudders in Mund!" "Dat is nich moj, mach ick nich lieden, man ick hebb di ook all mit Fnger in Nös sähn, wo geiht dat bi di wieder?" "Oma ick eet dä Pudders doch nich upp, ick kleev dä unnert Taofel!" Oma muß laagen, man denn wur sä häl eernst, as ick hör nich kennen dee. "Dor mutt ick Di nu watt toe seggen, un datt segg ick bloot änmaol! Dat is kien Vertelln, dat is Flappen, un dat will ick in mien Hus nich hören, ick will nich beleben, dat Flappkor achter di anroepen word., flappen hört sück nich!" Mi wur dat häl benaut toe, "dat doe ick noit weer, Oma, " un dor hebb ick mi an hollen, hebb noit weer flappt!
- hillehoek
- 30. Mai
"Oma", "Jao., Läv"? "Oma," ick löv, ick wor krank." Oma dreiht sück um un smüstert. "Wor geiht dat denn dittmaol um"? "Ick mutt hoesten un knüchen, un mien Hals deiht mi sehr." " Mutt ick di denn warm Melk mit Hönnig maoken"? "Jao, Oma, unn unn ....." Oma wüß all, wor dat hengung. "Dür ick denn ook up dien Sofa"? "Jao, Kind, so as alltied? " "Jao, Oma, än Koppküssen achtert Rügg un äan up Buuk.". Oma wüß all lang, wat up hör toequweem un mook sück ant Wark. As dä Lötje denn warm in Küssens satt un noch knüchen muß, keemt dr vandag:"Oma, maokst du mi denn ook Melk un Twäback, mit Botter un Zucker, am lävsten dä runden". "Jao, Kind, wenn du so läp krank büst", denn brukst du dat woll" Man wenn du so faoken krank büst, mutt dien Mama woll mit di naot Dokter." "Nee, Oma, krank bün ich bloot bi di, un.....dat word ook all bietje beter...." Oma muß weer smüstern...
