Maimaont (Christa Sanders-Neemann)

Maimaant! StelI di erst maal vör!

Büst du dat ok vör dä Döör?

Kummst mit aorig Temp'rament,

heb di doch häel anners kennt!

Störm un Regen, Hagelschlag,

o, wat wunnerliek de Dag!

Wäest du nich, wat du uns schüldig?

Maok uns bloot nich ungedüldig.

Sünntje kann uns rein watt duur'n,

sit dor achter Wulk toe luur'n,

mug so gern sien Straohlen wiesen,

Bloemke sit in d' Beet toe kiesen.

Swaolvke kwam in d' Land all floogen,

foehlt sück häel un dall bedroogen,

find't kien drööge Stee för 'n Nüst,

markt, dat dat noch alltiet früst,

Oma much gern Bohntjes Pooten,

o, wat kann se mi begrooten,

maokt mit Holsken sück 'n Padd,

och, wat is de Tuun noch natt,

Opa holt 'n Aobendbendproot

mit sien Naober dor an d' Schloot.

"Mörg'n noch kien Beeterskup,

Wäetst dor ok kien Dreih mehr up?"

Och, ji Minschen weest toefree,

't kummt noch all woll weer up Stee!

Löppt dat nich, as du dal wullt

is doran dat Weer denn schuld?