Klingbüdel (Christa Sanders-Neemann)

KIingbüdeloopen - dat maokt Spaoß! Sönndag leepen Jan un Klaos,

mussen erst mit Pastor prooten,

froogen hum: Waor söl wi loopen?"

"KIaos, du geihst up ÖrgeIböhn,

dor sit Harmke mit hör Söhn;

bevör sä deit toe't Tiet utraokn

het sä vöi noch goettoemaokn!

Hest Du dat dor boven daon,

kannst ja denn nao unnern gaohn.

Is weer äen in Karkslaop raokt

denn stöht hum an, dat he upwaokt.''

Un uns Karkenvaoder Jan

fangt all vörn bit Kanzel an,

wäet, de nickkoppt, het vergeeten,

sück 'n Deit in d' Büüs toe steeken.

Un dann fangt dat Bimmeln an,

rechts löpt Klaos un links löpt Jan,

KIingbüdelklockje klingt so saacht,

Gemäende singt Vers äen bit aacht.

De Orgel spöIt, dat Karkvolk singt,

Klingbüdel dör de Riegen klingt,

Pestor is weer in't Choer gaohn,

dor bruukt he nix in d' Klingbüdel doen.

Kennst Antjemöei mit Karkenstoov?

Se hull sück troe an Lüthers Gloov'

Nu het's kien Stee in d' Hüürbank mehr

un geiht dorum nao d' Kark nich weer'.

As Kanzelswaolvke goet bekennt

har se sück an hör Stee so wennt'

Nu fehlt bi't KIingeIbüdelgeld

elksmaol äen Knoop, de ok ja tellt'.

In mennig Kark, dat deit mi seer,

findst du kien Klingelbüdel mehr.

Wur he dor woll nao d' Struntstee brocht?

Heb'n se sück nix denn dorbi docht?

Klingelbüdel laot di ehren,

laot di nich dien Denst verwehren!

Bliev uns troe un doe dien Wark

in uns moij oll lüthers Kark!